Luce o sol, por fin. Despois da tempestade , chega a calma, esa é unha máxima universal, ou lei da natureza que non falla. Así que, cos primeiros raios de sol, chega a ansiedade ante a "operación bikini" , segunda máxima universal, que tampouco falla. No momento no que aparece o sol sobre os días primaverais, ás mulleres e aos homes chamados agora metrosexuais (especie en aumento, que xa se contan por milleiros, é curioso porque agora son a maioría, desto falareivos outro día) danos por preocuparnos polo noso físico, e por conseguir en tempo record que desapareza a celulitis, que o ventre se nos poña superplano, as pernas fimes, as tetas firmes, que non teñamos nin un pelo en sitios nos que non deberían de estar... en fin, entranos a tolería por eso que chamamos -ironías- coidarnos, e así , nun intento de convertirnos dun día para outro en barbies superestar preparadas para lucir palmito primeiro na Verdura, e despois na praia de Mogor, comezamos a facer todo tipo de gilipolleces, deixándonos guiar sobre todo polos consellos e a publicidade das revistas, que tan ben nos teñen tomada a medida.

Eu , que vou de lista, e que non teño moito que facer pola miña imaxe, porque a natureza repartiu as cartas e a min tocarónme as que me tocaron, caio como a máis pardilla, e claro, fago paso a paso o ritual da operación bikini. Non vos podedes imaxinar a cantidade de cremas -anticelulítica efecto calor, anticelulítico efecto frio, bronceadora, reafirmante, rehidratante, antiolleiras, antiflacidez, etc-parches , pastillas de té, de levadura de cerveza, de piña, e de non sei cantas máis cousas levo comprados nos últimos días. Logo a alimentación, que si auga con limón, té frio, froita para comer, salvado para cear...Claro que todos estos sacrificios duranme un día, o día que compro o producto. Porque a cabra tira ao monte, e a verdade é que eu non nacín para princesita, e á hora da verdade a min o único que en realidade me inspira este sol de abril e tomarme unha caña con tapa, e deixarme de mariconadas. Si total, de onde non hai, non se pode quitar, non?