20 de maio

Sinto este martes 20 de maio como si fose luns, non me preguntedes por qué. A actualidade animame, e menos mal , porque é o único nestes tempos que consigue arrancarme un soriso. Falou Gallardón, pouco e non tan claro como esperabamos, pero falou. Hai que recuperar o centro, e no centro do centro, arrímase a Rajoy, esta vez si, ainda que fai uns meses Rajoy non o quixera ao seu lado. Pero da crise do PP xa vos falarei noutro momento, que hoxe o día sábeme a luns con sol, por fin, de primavera, e gústame máis a nova do novo bebé da ministra de Defensa, de nome Miquel, e incluso si me poño, gústame máis a nova do que aconteceu nun piso de Madrid, no que unha mezcla explosiva de coca, travestis e alcohol provocou un incendio monumental. E é que ás veces as troulas rematan mal, pero tampouco é tan extraño o cóctel,non?

Hoxe, no primeiro café da mañá , un compañeiro díxome que científicamente estaba demostrado que os gatos en EEUU tiñan nove vidas. Quen fora gato yanki. Claro que de ser gato europeo, non estaría mal quedar a vivir por aquí ata agotar seis vidas, e cruzar despois o charco na procura doutras dúas , a maiores.( Digo, despois da sexta, non vai ser que suceda algo na viaxe, e ahí vai a séptima antes de chegar ao novo mundo) Claro que agora tamén parece que os gatos van querer emigrar antes de tempo, xa que os concellos van multar a quen lles bote comida aos gatos que andan pola rúa. E ter sete vidas está ben, pero non si un as vive miserablemente.

E anda Galicia enteira movilizándose contra a formación de "guetos" xitanos, que si manifestacións, que si recollidas de firmas. Díxome unha amiga miña que vive o conflicto social de primeira man, porque é de Monteporreiro, que alí hai unha gran presión. Na súa comunidade están a recoller firmas en contra do realoxo, e cada día firma un dos veciños do bloque. Os da súa casa non van firmar, porque pensan que tamén os xitanos merecen a oportunidade de demostrar que son capaces de vivir en convivencia respetando as regras sociais establecidas, e por este motivo, xa comezan a sentir certo resentimento por parte dos veciños. Vamos, que ou te sumas ao linchamento público dos xitanos, ou te rexeitan e punto.