PAZ

A política non é cousa duns poucos, é cousa de todos, dos cidadáns que co seu voto decidirán quen vai formar o Parlamento do que sairá o goberno para os próximos catro anos.

Estamos en campaña electoral – ainda que oficialmente non esté iniciada_ e os que seguimos un pouco as enquisas sabemos cómo vai equilibrándose a balanza entre as dúas forzas políticas máis relevantes. Existe un grupo importante de indecisos, ou ben de persoas fartas da dereita, pero que pensan que non son quen de mudar as cousas, que o seu voto non ten tanto peso no panorama político xeral. Este voto é o que os que somos convencidos da esquerda temos que empuxar aos colexios electorais o próximo 9 de marzo.

A plataforma de apoio a Zapatero (PAZ) constitúe un grupo de artistas que deciden unir a súa voz para movilizar a eses cidadáns indecisos, e pedir abertamente o voto para José Luis Rodríguez Zapatero.

Despois de ler o manifesto , decidín sumarme a esta plataforma, sentirme parte integrante desta ilusión, e depositar a miña confianza total e absoluta a Zapatero, para a continuidade do seu proxecto de progreso e liberdade.